相信心臟衰竭嘅患者成日都聽醫生姑娘講：「每日只可以飲1.5公升水」、「一日只可以食半茶匙鹽」、「番去要做多啲運動、準時食藥、留意自己病情有無惡化」。道理我地都明，但具體應該要點做呢？

如果你有以下疑問：

1. 點先計到自己一日飲左幾多水?
2. 平日出街食飯點低鹽?
3. 做咩運動先啱自己?咩叫安全心跳率?
4. 平日係屋企要監察咩情況?
5. 出現咩病徵要盡快求醫?
6. 唔記得左食藥點算?

咁呢條片就係為你而設！由心臟科專科陸毅康醫生親自教你遇到以上難題點解決，手把手助你養成6個心臟Friendly 好習慣！